«Ал-Аълам» саройида Шавкат Мирзиёевни расмий кутиб олиш маросими бўлиб ўтди

Саройга яқинлашганда, давлат раҳбари ва Ўмон Султони Ҳайсам бин Ториқ Ол Саид ўтирган автомобилни отлиқ фахрий қоровул кутиб олди ва кузатиб келди

Масқат шаҳридаги «Ал-Аълам» саройида давлат ташрифи билан Ўмон Султонлигига келган Ўзбекистон Республикаси Президенти Шавкат Мирзиёевни расмий кутиб олиш маросими бўлиб ўтди.

Саройга яқинлашганда, давлат раҳбари ва Ўмон Султони Ҳайсам бин Ториқ Ол Саид ўтирган автомобилни отлиқ фахрий қоровул кутиб олди ва кузатиб келди.

Олий мартабали меҳмон шарафига тўплардан 21 маротаба тантанали ўқ узилди. Сарой олдидаги майдонда фахрий қоровул саф тортди. Давлат раҳбарлари шоҳсупага кўтарилдилар. Ўзбекистон Республикасининг Давлат мадҳияси янгради.

Етакчилар икки мамлакат расмий делегациялари аъзоларини қутладилар. Тантанали маросимдан сўнг саройда олий даражадаги учрашув бошланди.

Ўзбекистон