Қашқадарёда аёл эрини ўлдириб қўйди
Қашқадарё вилоятининг Косон туманида 5 декабрь куни эр-хотиннинг жанжали қотиллик билан якунланди. Ўзаро можаро вақтида аёл эрини ўлдириб қўйди.
Косон тумани «Қорабайир» МФЙда яшовчи Э.Ж. 5 декабрь куни соат 18:00 ларда маст ҳолатда турмуш ўртоғи М.Х.ни ҳақоратлаб, уриб-тепиб, томоқ соҳасидан бўғган. Чорасиз қолган аёл эрини қўлидан чиқишга ҳар қанча ҳаракат қилмасин, кучи етмаганлиги сабабли охирги чора сифатида ёнида супадаги сават устида турган ошхона пичоғини олиб, зарурий мудофаа чегарасидан четга чиқиб, турмуш ўртоғининг чап қўлтиқ ости соҳасига бир марта санчиб олган.
Оқибатда М.Х. олган оғир тан жароҳати туфайли вафот этган.
Мазкур ҳолат юзасидан туман прокуратураси томонидан М.Х.га нисбатан жиноят иши қўзғатилиб, тергов ҳаракатлари олиб борилмоқда.
