Доналд Трамп Шавкат Мирзиёевни Маямидаги G20 саммитига таклиф этди
Ўзбекистон етакчиси Шавкат Мирзиёев номига Америка Қўшма Штатлари президенти Доналд Трампдан мактуб келди, деб хабар берди давлат раҳбари матбуот хизмати.
Хусусан, Америка етакчиси ўз мактубида Ўзбекистон президентини жорий йил феврал ойида бўлиб ўтган Тинчлик кенгашининг илк йиғилишидаги иштирокини юксак баҳолагани билдирилди.
Президент Шавкат Мирзиёев Ўзбекистонда улкан натижаларга эришаётгани таъкидланиб, мамлакатга ташриф билан келиш таклифи учун миннатдорлик билдирилди.
Ўз навбатида, президент Доналд Трамп Ўзбекистон раҳбарини Тинчлик кенгашининг навбатдаги йиғилишига, шунингдек, Маямида ўтадиган G20 саммитига таклиф этди.
Яратган Сизни ва Ўзбекистоннинг буюк халқини ёрлақасин, – дейилади мактубда.
