Самарқандда содир бўлган ЙТҲ оқибатида икки киши жароҳатланди
Самарқанд шаҳарнинг Шоҳи Зинда кўчасида 13 февраль куни соат 14:05 ларда ЙТҲ содир бўлди. Бу ҳақда вилоят ИИБ ЙҲХБ хабар берди.
Маълум қилинишича, Kia Bongo машинаси Шинерай Т30 машинасини орқа қисмидан уриб юборган. Оқибатда Шинерай Т30 йўлнинг ўнг тарафидаги пастки каналга тушиб кетган.
Иккала ҳайдовчи ҳам шифохонага мурожаат қилган.
Ҳолат юзасидан дастлабки суриштирув ишлари олиб борилмоқда.
