Ўзбекистонда шакарга акциз солиғи бекор қилинади
Ўзбекистонда шакарга қўйилган акциз солиғи бекор қилинади. Бу ҳақда Президент Шавкат Мирзиёев раислигидаги йиғилишда маълум қилинди.
Давлат раҳбари 5,5 мингта қандолат корхоналари ва салқин ичимликлар ишлаб чиқарувчиларни қўллаб-қувватлаш чоралари кенгайтирилишини эълон қилди. Ушбу тармоқларни маҳаллий саноатнинг ҳаракатлантирувчи кучларига айлантириш режалаштирилмоқда.
Хусусан, шакарга қўйилган акциз солиғи бекор қилинади. Шунингдек, қуруқ сут импортига бўлган чекловлар ҳам олиб ташланади.
Мазкур чора-тадбирлар натижасида иккала соҳадаги умумий йиллик айланмани 50 триллион сўмга етказиш имконияти яратилади.
