Фарғонада аёлларни фоҳишалик билан шуғулланиш учун Москвага юбормоқчи бўлган эркак ушланди

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда

Фарғонада икки аёлни фоҳишалик билан шуғулланиш учун чет элга юбормоқчи бўлган эркак ушланди. Бу ҳақда Давлат хавфсизлик хизмати хабар берди.

Жумладан, Фарғона шаҳрида яшовчи, 1999 й.т. муқаддам судланган фуқаро 2 нафар аёлни Россия Федерацияси пойтахтида фоҳишалик билан шуғулланиш орқали пул топишга қизиқтирган.

У аёлларга авиачипталарни ўз ҳисобидан олиб беришини айтиб, Москва шаҳрига етиб борганларидан сўнг, ишлаб топган маблағларининг ярмини бериб туришларини талаб қилган.

Натижада, ўтказилган тезкор тадбирда мазкур шахс аёлларни Москва шаҳрига юбораётган вақтида Фарғона халқаро аэропортида тўхтатилиб, унинг ноқонуний ҳаракатига чек қўйилди.

Ҳозирда унга нисбатан жиноят иши қўзғатилиб, тергов ҳаракатлари олиб борилмоқда.