Тошкентдан Андижонга янги электропоезд йўлга қўйилмоқда
10 сентябрдан бошлаб ушбу йўналишда «CRRC Dalian» тезюрар электропоезди қатнай бошлайди
Транспорт вазирлиги матбуот хизматининг хабар беришича, 10 сентябрдан бошлаб «Тошкент – Андижон – Тошкент» йўналишида замонавий «CRRC Dalian» тезюрар электропоезди қатнай бошлайди.
Қуйида ҳаракат жадвали келтирилган:
• 730-сонли Тошкент — Андижон, Тошкент-Йўловчи – 09:20, Ангрен – 10:25, Поп – 12:00, Қўқон – 12:28, Марғилон – 13:00, Андижон – 13:35;
• 729-сонли Андижон — Тошкент, Андижон – 15:38, Марғилон – 16:11, Қўқон – 16:43, Поп – 17:11, Ангрен – 18:50, Тошкент-Йўловчи – 19:53.
Электропоезд таркиби:
• 1-эконом — 95 ўрин, 2-эконом — 95 ўрин, 3-эконом — 72 ўрин, 4-эконом — 95 ўрин.
10-сентябрь кунидан бошлаб Тошкент – Фарғона водийси йўналишида ҳаракатланувчи қатор йўловчи поездларининг ҳаракат жадвалига тегишли ўзгартиришлар киритилади.
