Билл Гейтс глобал исишга қарши курашиш учун қанча маблағ сарфлаганини маълум қилди
Microsoft компанияси раҳбари Билл Гейтс глобал исишга қарши курашга қаратилган лойиҳага 2 миллиард доллар ажратган. Бу ҳақда Zamon хабар берди.
Фото: tass.ru
Таъкидланишича, Гейтс бу маблағни беш йил давомида сармоя қилади.
Унинг фикрича, экологик тадқиқотлар учун сарфланадиган маблағ етакчи давлатлар томонидан беш йил давомида кўпайтирилиши лозим. Мicrosoft асосчиси атроф-муҳит муаммоларини ечиш учун ҳукуматлар йилига 110 миллион доллар сарфлаши керак, дейди.
Гейтсга кўра, атом энергетикасининг келажаги бор ва дунё саноатини қамраб олиш учун «шамол ва қуёш»нинг ўзигина етарли эмас. У атмосферани карбонат ангидриддан тозаловчи технологиялар ривожланади деган умидда.
Шунингдек, Билл Гейтс водород ёқилғисини келажак энергияси манбаи деб атаган, чунки бу омил саноатда цемент ва темир чиқиндисини камайтиради.
