Тошкент вилоятида экстремистик фаолият билан шуғулланиб келган 27 киши ушланди
Тошкент вилоятида 22 сентябрь куни яширин равишда экстремистик фаолият билан шуғулланиб келган 27 нафар фуқаро ушланди. Бу ҳақда вилоят Ички ишлар бош бошқармаси ахборот хизмати хабар берди.
Хабарга кўра, Тошкент вилоят ИИББ, Прокуратура, Давлат хавфсизлик хизмати билан ҳамкорликда Нурафшон шаҳри, Оҳангарон ва Чиноз туманларида ўтказилган «тезкор тадбир» давомида яширин равишда экстремистик фаолият билан шуғулланиб келаётган 27 нафар шахс аниқланиб ушланган.
Шунингдек, ҳозирда ушбу шахсларнинг хатти-ҳаракатларига қонуний баҳо бериш бўйича суриштирув ишлари олиб борилмоқда.
