Ер юзидан йўқ бўлиб кетиши мумкин бўлган давлатлар маълум қилинди
Глобал иқлим исиши оқибатида музларнинг эриши ва денгиз сатҳининг кўтарилиши бир қанча орол-давлатларнинг йўқ бўлиб кетишига олиб келиши мумкинлиги маълум қилинди.
Маълум қилинишича, Ер юзидан бутунлай йўқ бўлиши тахмин қилинаётган орол-давлатлар Кирибати, Тувалу ва Маршалл оролларидир.
Кирибатидаги глобал экологик нодавлат ташкилотининг иқлим ҳаракати тармоғи координатори Пелениза Алофанинг айтишича, Глазгодаги БМТ саммити орол давлати учун ҳаётий воқеа ҳисобланади. Чунки денгиз сатҳининг кўтарилиши ва кучайиб бораётган тропик бўронлар минтақадаги одамлар ҳаёти, қишлоқ хўжалигига катта таҳдид солмоқда.
«Биз бир марталик воқеалар ҳақида гапирмаяпмиз. Гап давлатни бутунлай ютиб юбориши мумкин бўлган табиий ҳодиса ҳақида кетмоқда», — дея қайд этган Алофа.
