Ўзбекистонда бир йил ичида тақиқланган экинлар етиштирганлик учун 1 900 нафардан ортиқ шахс жазоланди

Ўзбекистонда 2025-йилда тақиқланган экинларни етиштиргани учун 1912 нафар шахс жиноий жавобгарликка тортилди, деб хабар қилди Олий суд матбуот хизмати.

Хусусан, ушуб шахслар Жиноят кодексининг 270-моддаси (тақиқланган экинларни етиштириш) билан судланган. Уларнинг 211 нафарига нисбатан озодликдан маҳрум қилиш, 1 687 нафарига озодликдан маҳрум қилиш билан боғлиқ бўлмаган жазолар тайинланди. 14 нафар шахс шартли ҳукм қилинган.

Шунингдек, 4 нафар шахсга тиббий йўсиндаги мажбурлов чоралари қўлланилган. Мазкур жиноят тури билан боғлиқ энг кўп ишлар Фарғона, Самарқанд, Тошкент, Бухоро ва Қашқадарё вилоятларида кўрилгани билдирилди.