Бухоронинг тарихий қисмида электросамокатлар, мопедлар ва бошқа воситалар ҳаракати чекланади
Ушбу чора 1 октябрдан кучга киради, асосий эътибор пиёдалар, туристлар ва экскурсиячиларнинг хавфсиз ҳаракатланишига қаратилади
1 октябрдан Бухоронинг тарихий қисмида электроскутерлар, рикшалар ва бошқа ҳаракатланиш воситаларининг ҳаракати чекланади. Бу чоралар Бухоро ҳокимининг қарорида назарда тутилган.
Чекловлар Арк қалъасидан Пои-калон ансамбли ва Ҳақиқат кўчаси орқали Ляби-ҳовуз ансамблигача бўлган ҳудудда амал қилади.
Кўрсатилган ҳудудда йўловчи ташиш ва якка тартибда ҳаракатланиш воситаларидан фойдаланиш чекланади. Улар орасида электроскутерлар, рикшалар, мопедлар, тўрт ғилдиракли велосипедлар, электросамокатлар, картинглар, шунингдек, от ва туялар бор.
Бундан ташқари, қонунчилик талабларига жавоб бермайдиган воситалардан фойдаланган ҳолда йўловчи ташиганлик учун назарда тутилган жавобгарлик чоралари тўғрисида профилактик ва тушунтириш ишлари олиб борилади.
Қарорда айтилишича, тарихий ҳудудда асосий эътибор пиёдалар, туристлар ва экскурсиячиларнинг хавфсиз ҳаракатланишига қаратилиши керак. Ҳудудга кириш ва чиқиш жойларида тегишли ахборот кўрсаткичлари ҳамда йўл белгилари ўрнатилади.
Масъул ташкилотлар амалга оширилган ишлар тўғрисидаги умумлаштирилган маълумотни 2026 йил 1 ноябргача тақдим этишлари лозим.
