Трампни ўлдириш билан таҳдид қилган шахс қўлга олинди

АҚШнинг собиқ президенти ва ҳозирда республикачилар партиясидан номзод Доналд Трампни ўлдириш билан таҳдид қилишга гумонланган шахс қўлга олинди. Бу ҳақида WTAJ телеканали хабар берди.

Маълумотларга кўра, 74 ёшл Пол Гавеносис ушбу жиноятда гумонланмоқда. У аввал безорилик ва террористик таҳдидларда ҳам айбланган. У суиқасд қилиш ҳақидаги баёнотини Пенсилванияда автотураргоҳ учун рухсатнома олаётганида берган.

Мазкур автотураргоҳ 26 октябрь куни Трампнинг сайловолди митинги ўтказилган жой яқинида жойлашган. Бу маълумотни полицияга воқеадан хабардор гувоҳ етказган.

Сўроқ пайтида Пол Гавеносис ўз таҳдидларини ҳазил деб айтган бўлсада, кейинчалик сиёсатчини ўлдиришга уриниш имкониятини тан олган.