Тошкентда Traverse ва Equinox тўқнашувида 2 киши жароҳатланди
Тошкент шаҳри Шайхонтоҳур туманида 18 ноябрь куни Traverse ва Equinox тўқнашди. Бу ҳақида шаҳар йўл ҳаракати хавфсизлиги бошқармаси хабар қилди.
Ҳолат соат 08:40 ларда Алишер Навоий кўчасидаги «Асалари уюшмаси» қаршисида юз берган. ЙТҲ оқибатида Traverse машинасидаги икки нафар йўловчига биринчи тиббий ёрдам кўрсатилган.
Ҳодиса юзасидан суриштирув ишлари бошланган.