Тошкентда автобус ёниб кетди
Учтепа туманида 18-автосаройга қарашли 64 рақамли автобусда ёнғин содир бўлди. Бу ҳақда пойтахт ФВБ хабар берди.
Маълум қилинишича, 20 июль куни соат 12:44 да Учтепа туманининг Бирлик мавзесида автобусда ёнғин чиққани ҳақида хабар келиб тушган. Ёнғин-қутқарув экипажи соат 12:50 да ҳодиса жойига етиб борган ва ёнғин 12:53 да батамом ўчирилган.
Ёнғин сабаби ҳозирча аниқланмаган. Ҳодиса оқибатида жабрланганлар йўқ.
Ҳолат юзасидан тегишли тартибда суриштирув ишлари олиб борилмоқда.
