Венесуэладаги зилзила қурбонлари сони 2 мингдан ошди
Миллий ассамблея раиси Хорхе Родригес ҳалок бўлганлар сони 2 295 нафарга етганини маълум қилди
Венесуэлада юз берган зилзила оқибатида ҳалок бўлганлар сони 2 мингдан ошди. Бу ҳақда Venezolana de Televisión мамлакат Миллий ассамблеяси раиси Хорхе Родригесга таяниб хабар беради.
Родригеснинг сўзларига кўра, қурбонлар сони 2 295 нафарни ташкил этган. Аввалроқ 1 943 киши ҳалок бўлгани хабар қилинган эди.
Эслатиб ўтамиз, Венесуэлада зилзила 24 июнь куни кечқурун содир бўлган эди. Тахминан 40 сониялик фарқ билан магнитудаси 7,2 ва 7,5 га тенг бўлган иккита ер силкиниши қайд этилди. Уларнинг эпицентри Венесуэланинг Яракуй штатида, бир-биридан 10 км узоқликда жойлашган эди.
