Ўзбекистонда маҳкумларга масофали видео-учрашувдан фойдаланиш ҳуқуқи берилади
Ўзбекистонда Жиноят-ижроия кодексига ўзгартиш ва қўшимчалар киритиш тўғрисидаги қонун қабул қилинди, деб хабар қилди Адлия вазирлиги.
Қонун билан Жиноят-ижроия кодексига озодликдан маҳрум этишга ҳукм қилинган маҳкумларнинг масофали видео-учрашувдан фойдаланиш ҳуқуқини белгилашни назарда тутувчи ўзгартириш ва қўшимчалар киритилди.
Киритилган ўзгартиришларга кўра, маҳкумнинг ўз шахсий маблағлари ҳисобидан тўланадиган, 15 дақиқа давом этадиган 1 марта масофали видео-учрашув ёки телефон орқали сўзлашиш ҳуқуқига эгалиги белгиланди.
Қайд этилишича, илгари маҳкумнинг фақатгина 15 дақиқа давом этадиган 1 марта телефон орқали сўзлашиш ҳуқуқига эгалиги белгиланган эди.
Мазкур қонун расмий эълон қилинган кундан эътиборан кучга киради.
