Олмалиқда қонуний никоҳида бўлмаган аёлининг қизига шилқимлик қилган эркак 5 суткага қамалди
6 август куни Тошкент вилоятида қонуний никоҳида бўлмаган турмуш ўртоғининг қизига шилқимлик қилган эркак 5 суткага қамалди, деб ёзади «NeMolchi.uz» лойиҳаси.
Аниқланишича, воқеа 2024 йил 22 июль куни Олмалиқ шаҳрининг «Боғаро» маҳалласида содир бўлган.
Эркак аёлининг қизи билан ёлғиз қолган ва унга бўса олишни таклиф қилган. Шу йўл билан, эркак бу масалада тажриба орттиришини айтган.
Шаҳар суди қарори билан айбланувчи, 41-1-модда 1-қисмида (Жинсий зўравонлик) назарда тутилган жиноятни содир этганликда айбдор деб топилди.
Натижада эркак 5 сутка маъмурий қамоқ жазосига ҳукм қилинди.
