Нигерияда қуролли шахслар 150 дан ортиқ одамни ўғирлаб кетишди
Нигерияда жангариларнинг Нигер марказий штатининг Кучи қишлоғига уюштирган ҳужуми оқибатида 8 киши ҳалок бўлган, ва 150 дан ортиқ киши ўғирлаб кетилган, – деб хабар беради DW, AFP агентлигига таяниб.
Ҳужумчилар қўшни Кадуна штатидан 100 га яқин мотоциклда бўлиб, ҳар бирлари уч кишидан ташишган, – деди журналистларга туман ҳукумати раҳбари Амину Наджуме.
Маҳаллий ҳуқумат вакиллари Нигерия хавфсизлик кучларини уч соат давомида ҳужумга учраган қишлоқ аҳолисига ёрдамга келмаганини танқид қилди.
БМТ манбасига кўра, кўчадан ўғирлаб кетилганлар сони 150 га яқин бўлган. Аммо Нигерия фавқулодда вазиятларни бошқариш давлат агентлиги (SEMA) уларнинг сони таҳминан 100 дан ортиқ эканини таъкидлаган.
Нигерияда «Боко Ҳарам» ва «Исломий давлатнинг ғарбий Африка провинцияси» (ISWAP), каби радикал исломий гуруҳлар, жумладан, аёллар ва болаларни ўғирлаш билан шуғулланади. Ҳабарларга кўра, март ойида Кадуна штатида 300 га яқин мактаб ўқувчиси ўғирлаб кетилган.
Ҳозирги кунда Нигерия армияси жангариларга қарши керакли қутқарув операцияларни олиб боради, бунинг натижасида баъзан асирлар озод қилинади. Масалан, 2015 йил апрель ойида Нигерия ҳарбийлари Борно штатида «Боко Ҳарам» гуруҳи томонидан асирга олинган 200 нафар қиз ва 100 га яқин аёл озод этилганини эълон қилган эди.
