Ўзбекистонда ногиронлиги бўлган кексаларнинг дорилари давлат томонидан компенсация қилинади
Президентнинг қарори билан Ўзбекистонда ногиронлиги ва оғир ташхисли касаллиги бўлган кексаларнинг дорилари давлат томонидан компенсация қилинади.
Маълум қилиншича, оғир ташхисли касалликлари ҳамда ногиронлиги бўлган кексаларга шифокорларнинг рецептларига мувофиқ, 3 ойлик эҳтиёждан келиб чиқиб, дори воситаларининг 50 фоизигача бўлган суммаси компенсация қилинади. Ҳомийлик «Нуроний» жамғармаси маблағлари ҳисобидан амалга оширилади.
Бунда дори воситаларининг рўйхати Соғлиқни сақлаш вазирлиги билан келишилади ҳамда Маҳалла ва нуронийларни қўллаб-қувватлаш вазирлигининг қарори қабул қилинган кундан дори воситаларининг тегишли суммаси тўлаб берилади.
