Россияда ўзбекистонлик эркак ўз уйида ўлик ҳолда топилди
Россиянинг Ленинград вилоятида ўзбекистонлик эркак ўз уйида ўлик ҳолда топилди.
Маълум қилинишича, ўзбекистонлик эркак вилоятнинг Тосненский туманидаги уйида уч марта пичоқланган ҳолда аниқланган.
«29 январь, шанба куни Таросово қишлоғида уйидаги диванда хорижлик фуқаронинг жонсиз жасади топилди. Ҳалок бўлган шахс 49 ёшли Ўзбекистон фуқароси бўлган», дейилади хабарда.
Қайд этилишича, тезкор қидирувлар натижасида полиция ишсиз 36 ёшли эркакни қўлга олишга муваффақ бўлган. У қотилликда гумонланиб, ҳибсга олинган. Ҳолат юзасидан жиноий иш қўзғатилган.
