Тошкент метросида ўзини поезд тагига ташлаган эркак вафот этди
Тошкент метросида 24 февраль куни ўзини поезд тагига ташлаган эркакнинг шахси бўйича маълумот берилди.
Воқеа 24 февраль куни соат 21:00 атрофида Тошкент метрополитенининг Мирзо Улуғбек бекатида юз берган. Шу сабабли «Чилонзор» йўналишининг бир томонлама қисми вақтинча ҳаракатдан тўхтаган.
Ўзини поезд тагига ташлаган эркак Сирдарё вилояти Сардоба туманида яшаган 1984 йилда туғилган Э.Ш. бўлган. У ҳаракатланиб кетаётган электропоезднинг тагига ташлаб, олган тан жароҳатлари оқибатида воқеа жойида вафот этган. Терговга қадар текшириш ҳаракатлари олиб борилмоқда.
