Шавкат Мирзиёев Жанубий Корея президенти билан музокара ўтказди
«Кўксарой» қароргоҳида Президент Шавкат Мирзиёев ва Жанубий Корея раҳбари Юн Сок Ёль билан учрашуви бўлиб ўтди, — дея хабар бермоқда давлат раҳбари матбуот хизмати.
Икки томонлар учрашувда сиёсий, савдо-иқтисодий, технологик ва бошқа устувор йўналишларда амалий ҳамкорликни янада кенгайтириш масалаларини кўриб чиқдилар.
Учрашувда Корея Республикаси Ўзбекистоннинг етакчи савдо ва сармоявий шерикларидан бири эканлиги таъкидланди. Ўтган йили товар айирбошлаш ҳажми 2,5 миллиард долларга етиб, Корея сармояси ҳажми 7,5 миллиард доллардан ошган эди. Бундан ташқари пойтаҳта сайёҳлар оқими кўпаймоқда, Тошкент ва Сеул ўртасида ҳафтасига 10 та рейс амалга оширилмоқда.
Шунингдек учрашувда юқори технологияли ҳамкорлик бўйича йирик лойиҳаларни аниқлаш ва илгари суриш бўйича қатор келишувлар имзоланди.
Президентлар маданий-гуманитар алмашинувнинг самарали ривожланишини юқори баҳоладилар. Ўзбекистонда Кореянинг етакчи университетларининг тўртта филиали муваффақиятли фаолият юритмоқда. Ўз навбатида, Жанубий Кореяда 11 мингдан ортиқ ўзбекистонлик талаба таҳсил олмоқда.
Президентлар халқаро ташкилотлар доирасида бир-бирини янада қўллаб-қувватлаш муҳимлигини таъкидладилар.
Бундан ташқари хавфсизлик ва мудофаа соҳасида, хусусан, кибержиноятчилик, терроризм ва экстремизмга қарши курашишда яқин алоқаларни ўрнатишга алоҳида эътибор қаратилди.
