Россияда 19 ёшли ўзбекистонлик йигит ватандошини пичоқлади

Россиянинг Санкт-Петербург шаҳри Фрунзенский туманида 19 ёшли йигит ватандошини пичоқлади.

Маълум қилинишича, 27 январь, пайшанба куни полиция бўлимига Будапешт кўчасидаги 53-уйда пичоқ билан жароҳатланган эркак ҳақида хабар келиб тушган. 33 ёшли Ўзбекистон фуқароси воқеа жойидан касалхонага ётқизилган. Унга қорин бўшлиғида кўплаб пичоқ жароҳатлари ташхиси қўйилган.

Таъкидланишича, жабрланувчи ўша кўчадаги 9-уйда яраланганини айтган. Кўрсатилган манзилга етиб борган ҳуқуқ-тартибот идоралари ходимлари жабрланувчининг 19 ёшли ишсиз ватандошини қўлга олган. Ҳозирда мазкур ҳолат юзасидан жиноят иши қўзғатилган.