Тошкентдаги туманларнинг бирида вақтинча «свет» ўчади

Олмазор туманида вақтинча электр энергияси таъминоти тўхтатилади. Бу ҳақда туман ҳокимлиги матбуот хизмати хабар қилди.

Хабарга кўра, 20 май куни соат 08:00 дан 14:00 га қадар жамият тасарруфидаги электр қурилмалари ва тармоқларини мавсумга шай ҳолатга келтириш режасига асосан,  «Выставочная» подстанциясининг IСШ – 6 кВли қисмида мукаммал таъмирлаш ишлари олиб борилади.

Қайд этилишича, таъмирлаш ишлари  сабаб қуйидаги манзилларда вақтинча электр энергияси таъминотида узилишлар кузатилади:

• Талабалар шаҳарчаси;
• ЎзМУ;
• Техника университети;
• Зиё МФЙ;
• Университет МФЙ;
• А. Ҳидоятов МФЙларидаги аҳоли хонадонлари ҳамда кичик тадбиркорлик субъектларида.