Санкт-Петербургда 2 эркак ўзбекистонлик йигитни ўғирлаб кетиб, уни 55 минг рубльга кредит олишга мажбурлади
Санкт-Петербург шаҳрида Қирғизистондан келган ноқонуний муҳожирлар Ўзбекистон фуқаросини ўғирлаб кетиб, уни кредит олишга мажбурлашди, деб ёзади «Конкретно».
Воқеа 25 май куни «Малая Бухарестская» кўчасидаги 6/1-уй яқинида содир бўлган. Икки эркак 26 ёшли ўзбекистонлик йигитга нисбатан куч ишлатиб уни пичоқ билан қўрқитишган. Улар жабрланувчини куч билан «Hyundai Solaris» машинасига ўтқазиб, «Пулково» тепалиги томон олиб кетишган.
Шундан сўнг улар йигитнинг «iPhone 13» русумли телефонини, ҳамда банк картасини ўғирлаб, уни 55 минг рублга кредит олишга мажбурлаган. Талончилар Пулковское шоссесида жойлашган банкоматдан пул ечиб, воқеа жойидан қочиб кетишган.
Гумонланувчилар 11 июнь куни қўлга олинган. Мазкур ҳолат юзасидан Россия Жиноят кодексининг 162-моддаси 2-қисми (талончилик) билан жиноят иши қўзғатилган.
