Россия коронавируснинг хавфли штаммларига қарши универсал вакцина яратмоқчи

Россиянинг Гамалея номидаги эпидемиологик ва микробиологик илмий-тадқиқот институти бир вақтнинг ўзида вируснинг «дельта» ва «оmicron» каби бир нечта штаммларига қарши иммун ҳосил қилувчи поливалент вакцина яратиш имкониятини кўриб чиқмоқдакўриб чиқмоқда.

«Ҳозирда вируснинг «дельта», «omicron» ва «ухан» (коронавируснинг илк аниқланган тури) штаммларига қарши «Спутник»нинг янги поливалент наъмунасини яратиш устида изланишлар бормоқда», деган Логунов «Россия 1» телеканалига берган интервьюсида.

Унинг таъкидлашича, вакцина таркибига киритилаётган моддаларнинг бир қисми вируснинг «ухан» ва «дельта» штаммлари асосида пайдо бўладиган янги вирусларга қарши курашса, моддаларнинг бошқа бир қисми «omicron» штаммидан мутация йўли билан вужудга келадиган янги намуналардан асрайди.

Олимнинг фикрича, ҳозирда Россия бўйлаб кенг тарқалмаган «omicron»дан ҳурсанд бўлиб эътиборсизликка берилиш керак эмас. Мамлакатда вируснинг янги штамми туфайли тез орада оммавий касалланишнинг янги тўлқини бошланади.

«Аҳолини оммавий равишда эмлаш ғояси ортида уларни вирусдан зарарланиб ҳалок бўлишдан асраб қолиш турибди. Биз эртами-кечми, албатта, аҳолида оммавий иммунитет даржаси ортиб, ўлим ҳолатлари пасаядиган ҳолатга етамиз», дея қўшимча қилган Логунов.

Эслатиб ўтамиз, пандемия бошланганидан буён дунё бўйича 326,2 миллионга яқин одам коронавирус билан касалланиб 5,5 миллиондан ортиқ киши вафот этган.

Россияда коронавирусга қарши кураш федерал тезкор штаби маълумотларига кўра, мамлакат бўйлаб инфекция юқтириб олган 10 803 534 кишидан 9 858 615 нафари соғайган ва 321 320 киши вафот этган.