Бекободда мардикор эркак танишини салом бермагани учун пичоқлади — фото
Тошкент вилояти Бекобод шаҳрида 4 январь куни мардикор эркак марказий буюм бозорида танишини салом бермагани учун пичоқлади. Бу ҳақда Ички ишлар вазирлиги ҳузуридаги Тергов департаменти матбуот хизмати хабар қилди.
Фото: Ички ишлар вазирлиги ҳузуридаги Тергов департаменти матбуот хизмати
Маълум бўлишича, 2021 йилнинг 4 январь куни соат 10:40 атрофида фуқаро А. П. спиртли ичимлик таъсирида Бекобод шаҳар марказий буюм бозорига келиб, у ерда турган таниши А. С. билан саломлашмоқчи бўлган. Лекин А. С. унинг маст ҳолатда эканлигини, уйига боришини айтиб, унинг олдидан кетиб қолган.
Бундан А. П.нинг жаҳли чиқиб, мазкур бозор ҳудудида жойлашган ошхонага кириб, стол устида турган ошхона пичоғи билан, жамиятда юриш-туриш қоидаларини қасддан менсимасдан, А. С.нинг орқасидан бориб, унга беписанд муносабатда бўлдинг, дея ҳеч бир сабабсиз қорин бўшлиғига бир маротаба уриб, қасддан тан жароҳати етказган.
Оқибатдада фуқаро А. С. Бекобод шаҳар марказий шифохонасига ётқизилган. Мазкур ҳолат юзасидан Бекобод шаҳар Ички ишлар бўлими ҳузуридаги Тергов бўлими томонидан Жиноят кодексининг 104-моддаси 2-қисми «е» ва «л» бандлари (Безорилик оқибатида, қуролни ёки совуқ қурол сифатида фойдаланилиши мумкин бўлган ашёларни ишлатиб, қасддан баданга оғир шикаст етказиш) билан жиноят иши қўзғатилган.
Фото: Ички ишлар вазирлиги ҳузуридаги Тергов департаменти матбуот хизмати
Фото: Ички ишлар вазирлиги ҳузуридаги Тергов департаменти матбуот хизмати
Фото: Ички ишлар вазирлиги ҳузуридаги Тергов департаменти матбуот хизмати
Терглв департаментининг тақдим этган маълумотларига кўра, тергов ҳаракатлари жараёнида ҳодиса жойини кўздан кечириш вақтида қон доғлари мавжуд бўлган ошхона пичоғи ашёвий далил тариқасида расмийлаштирилиб олинган. Ҳодиса гувоҳлари сўроқ қилинган ва жиноят иши юзасидан гумон қилинувчи А. П. Бекобод шаҳар ИИБ Вақтинча ушлаб туриш ҳибсхонасида сақланмоқда. Ҳозирда жиноят иши юзасидан дастлабки тергов давом этмоқда.
Мавзуга доир:
Аввалроқ Қашқадарё вилояти Китоб туманида вояга етмаган 16 ёшли бола каклик ови устидаги жанжаллашув оқибатида тенгдошини пичоқлагани ҳақида хабар берилганди.
