Норин туманида уйига қамалиб қолган бола қутқарилди
Наманган вилояти Норин туманида уйига қамалиб қолган бола қутқарилди. Бу ҳақда туман ҳокимлиги ахборот хизмати хабар берди.
Фото: Норин тумани ҳокимлиги ахборот хизмати
Маълум қилинишича, Норин тумани, Хаққулобод шаҳар, «Навоий» МФЙ, 3-уй 15-хонадонда яшовчи фуқаро Сайдулло Турғуновнинг мурожаатига кўра фарзанди 2018 йилда туғилган Ҳусанбой Тўлқинбоев яшаш уйининг кириш эшиги ичкарисидан қулфланиб қолганлиги сабабли хонадон ичида қолиб кетган.
Фото: Норин тумани ҳокимлиги ахборот хизмати
Фото: Норин тумани ҳокимлиги ахборот хизмати
Мазкур мурожаатга асосан уй ичида қулфланиб қолган бола Норин туман 11-ЁҚКҚ қутқарувчилари томонидан сурилма нарвон ёрдамида қутқариб олинган.
Эслатиб ўтамиз, аввалроқ Қўштепада каналда чўкаётган қиз, Тошкентда 6 метрли қудуқ ичида қолиб кетган 2 нафар фуқаро, Самарқандда оёғи темир панжарага тиқилиб қолган қизалоқ, Фарғонада кўп қаватли уйда қулфланиб қолган 2 ёшли бола ҳамда Пайариқда уйида қулфланиб қолган бир ёшли қиз қутқариб олингани ҳақида хабар берилган эди.
