Самарқандда 18 824 нафар фуқарога 220 минг сўмдан моддий ёрдам пули берилди (фото)
Пандемия шароитида кам таъминланган оилаларни қўллаб-қувватлаш мақсадида Самарқанд шаҳри бўйича «темир дафтар»га киритилган оилаларнинг ҳар бир аъзосига 220 минг сўмдан бир марталик моддий ёрдам пули тарқатилди. Бу ҳақда шаҳар ҳокимлиги ахборот хизмати хабар берди.
Фото: Самарқанд шаҳар ҳокимлиги ахборот хизмати
Қайд этилишича, Самарқанд шаҳрида 210 та маҳалладан 5694 та оила «темир дафтар»га киритилган. Шундан айни пайтда жами 4625 та оиланинг 18 минг 824 нафар аъзосига 4 миллиард 141 миллион 280 минг сўм миқдоридаги моддий ёрдам пули топширилди.
Фото: Самарқанд шаҳар ҳокимлиги ахборот хизмати
Фото: Самарқанд шаҳар ҳокимлиги ахборот хизмати
Маълумот учун, «темир дафтар»га киритилган 1348 та оилага ўтган ойда Ҳайит байрами муносабати билан 1 миллион сўмдан моддий ёрдам пуллари берилган.
Аввалроқ Қоракўлда «темир дафтар»га киритилган оилаларга қарийб 2 миллиард сўм тарқатилгани ҳақида хабар берилганди.
