Самарқандда 2,4 гектар ерни $95 мингга сотмоқчи бўлган шахс ушланди

Самарқандда фуқаро Ф.О.нинг мурожаатига асосан ҳуқуқни муҳофаза қилувчи орган ходимлари билан ҳамкорликда тезкор тадбир ўтказилди. Бу ҳақда Бош прокуратура матбуот хизмати хабар берди.

Фуқаро Т.Р. Ургут тумани ҳудудида жойлашган «Р.Б.Н» фермер хўжалигига қарашли 2,4 гектар суғориладиган ер майдонини 95 минг долларга сотишга келишиб, келгусида ҳужжатларни унинг номига расмийлаштириб беришини ваъда қилган. 

У. Ф.О.дан 10 минг доллар олаётган вақтида ушланган.

Мазкур ҳолат юзасидан Жиноят кодексининг 25,168-моддаси 4-қисми «а» банди (фирибгарлик) билан жиноят иши қўзғатилган. 

Ҳозирда дастлабки тергов ҳаракатлари ўтказилмоқда.