Россияда ўзбекистонлик эркак ибодатхонага ўғирликка тушди
Россиянинг Санкт-Петербург шаҳар полицияси ибодатхонадан тилла буюмлар ва эҳсон пулларини ўғирлашда гумонланаётган эркакни қўлга олди.
Маълум қилинишича, 29 ёшли Ўзбекистон фуқароси 14 февраль куни кечқурун Ленинский даҳасида қўлга олинган. У томонидан етказилган зарар эса 200 минг рублга (тахминан 25 миллион сўм) баҳоланган.
Аниқланишича, эркак тиббий ниқоб остида юзини яширган. Ибодатхонага орқа эшикдан кирган. Жиноят кузатув камералари томонидан қайд этилган. Бу ҳақда полицияга ибодатхона ҳисобчиси хабар берган.
