Зомин аэропорти фаолияти вақтинча тўхтатилди

Ҳозирги кунда Зомин аэропорти йўловчиларга хизмат кўрсатиши тўхтатилиб турибди. Бу ҳақда “Ўзгидромет” хабар бермоқда .

Маълум қилинишича, мазкур аэропортда катта авиабортларни қабул қилиш бўйича иккинчи босқич таъмирлаш ва қайта жиҳозлаш ишлари амалга оширилмоқда. 

Шу билан бирга, метеорологик қурилмаларни ҳам модернизация қилиш ишлари амалга оширилмоқда.

Зомин аэропортида юқорида таъкидлаб ўтилган ишлар якунланиши ва аэропорт йўловчиларни яна қабул қилишни бошлаши ҳақида хабар берамиз, дейилади хабарда.