Наманганда ичимлик суви тармоғида юзага келган носозлик 1 кунда бартараф этилди

Наманган вилояти Гўзал даҳаси «Сиҳатгоҳ» маҳалласида 24 август куни ичимлик сув тармоғида носозлик содир бўлган. Бу ҳақда марказий диспечирлик бўлимига мурожаат келиб тушган, деб хабар беради «Наманган сув таъминоти» МЧЖ ахборот хизмати.

Фото: «Наманган сув таъминоти» МЧЖ ахборот хизмати

Маълум қилинишича, юзага келган носозлик 25 август куни бартараф этилган. Сув қувури 3,5 метр чуқурликдаги чугун қувур бўлгани учун синов тариқасида чуқурлик вақтинчалик қолдирилган. Ҳозирда ушбу нозозлик бутунлай бартараф этилган ва кўмиш ишлари хам якунланган.

Маълумот учун, Самарқандда 2020 йилда ичимлик суви ва сув-оқова тизимларини реконструкция қилиш учун 300 миллиард сўмдан ортиқ маблағ ажратилган.

Шунингдек, Наманганда ичимлик суви таъминотини яхшилаш учун 241 миллион долларлик 4 та лойиҳа амалга оширилади.