Бразилиялик футболчининг юраги ўйин пайтида тўхтаб қолди — видео
Футбол бўйича Португалия чемпионати 2-лигасининг 3 январь, якшанба куни «Алверка» ва «Униао Алмерим» клублари ўртасида бўлиб ўтган ўйинида футболчиларнинг бири юрак хуружига учради. Бу ҳақда «Abola» нашри хабар берди.
Кадр: YouTube
Қайд этилишича, ўйиннинг 27-дақиқасида «Алверка»нинг бразилиялик ярим ҳимоячиси Алекс Аполинарио кутилмаганда ерга йиқилиб тушган.
Ярим ҳимоячи Алверки Алекс Аполинарио
Фото: «sport.ua»
Шифокорлар унга биринчи тиббий ёрдам кўрсатган ва тез орада касалхонага ётқизилган.
https://youtu.be/_8iJmjAM5LM
Учрашув шу нуқтада тугатилган. Аполинарио эса ҳушига келган. Аммо шифокорлар кейинги икки кун у учун ҳал қилувчи кун бўлишини айтган.
Аввалроқ Бразилиянинг Д сериясида иштирок этувчи «Фрибургенсе» жамоаси аъзоси бўлган Бернардо Рибейрода машғулот вақтида юрак хуружи қайд этилган ва у шифохонага кетиш йўлида жон берган.
