Буюк Британия дунёда биринчи бўлиб коронавирусга қарши «AstraZeneca» вакцинасини қўллашни бошлади — видео

Буюк Британия 4 декабрь, душанба куни дунёда биринчи бўлиб аҳолини «AstraZeneca» компанияси ва Оксфорд университети ишлаб чиқарган коронавирусга қарши препарат билан эмлашни бошлади. Бу ҳақда «Sky News» хабар берди.

82 ёшли Брайан Пинкер
Кадр: YouTube

Шундай қилиб, Черчилл касалхонасида даволанаётган бемор — 82 ёшли Брайан Пинкер Оксфорд/«AstraZeneca» вакцинасини рухсат этилганидан кейин қабул қилган дунёдаги биринчи одам бўлди.

Иккинчи уколни эса 88 ёшли мусиқа ўқитувчиси Тревор Ковлет, учинчисини профессор Эндрю Поллард олган. Таъкидланишича, аввалига 53 минг дозада чиқарилган вакцина Оксфорд, Сассекс, Ланкашир, Уорвикшир ва Лондондаги иккита шифохонага қўллаш учун тақдим этилган.

Кейинчалик вакцинанинг асосий қисми 700 дан ортиқ тиббиёт муассасалари ва қариялар уйларига юборилади. Ҳукумат бир неча ой ичида ўн миллионлаб дозаларни етказиб беришни маълум қилган.

Аввалроқ Буюк Британияда коронавирусга қарши оммавий эмлаш бошлангани ҳақида хабар берилган эди. Шунингдек, мамлакат аҳолиси вируснинг чнги тури сабабли пойтахтни оммавий тарк эта бошлаган.