Самарқандда «Nexia» ва «Cobalt» «авария» оқибатида пастликка қулади — видео
Самарқанд вилояти Пастдарғом туманида 2 январь куни «Nexia» ва «Cobalt» машиналари иштирокидаги йўл-транспорт ҳодисаси оқибатида иккала машина ҳам пастликка қулади. Бу ҳақда Йўл ҳаракати хавфсизлиги бош бошқармаси матбуот хизмати хабар берди.
![](https://teznews.uz/wp-content/uploads/2021/01/1ed5851cca525facb3315.jpg)
Фото: Йўл ҳаракати хавфсизлиги бош бошқармаси матбуот хизмати
Маълум бўлишича, 2 январь куни соат 20:10 да Пастарғом тумани ҳудудидан ўтган 4Р-46 автомобиль йўлининг 6-километрида «Nexia» русумли транспорт воситаси ҳайдовчиси йўловчига чалғиши оқибатида йўл четида тўхтаб турган «Cobalt» автомашинасига келиб урилган.
![](https://teznews.uz/wp-content/uploads/2021/01/20f91ac64680b98869af1.jpg)
Фото: Йўл ҳаракати хавфсизлиги бош бошқармаси матбуот хизмати
Оқибатда ҳар иккала транспорт воситалари йўл четидаги пастликка тушиб кетган. Мазкур йўл-транспорт ҳодисасида ҳеч ким тан жароҳати олмаган.
«Бошқарув вақтида ҳайдовчининг чалғиши турли кўнгилсизликларга сабаб бўлиши мумкин. Шу боис барча ҳайдовчилардан ҳаракат давомида эътиборли бўлишларини сўраймиз!» дейилади ЙҲХББ хабарида.
Мавзуга доир: