Наманган шаҳар ҳокими сайёр қабулида 2 ойдан бери кредит ололмаган фуқаронинг иши ҳал бўлди (фото)
Наманган шаҳар ҳокими Олим Исаев 3 сентябрь куни «Давлатобод» маҳалласида фуқаролар сайёр қабулини ўтказди. Бу ҳақда шаҳар ҳокимлиги ахборот хизмати хабар берди.
Фото: Наманган шаҳар ҳокимлиги матбуот хизмати
Хабарда айтилишича, сайёр қабулда қатнашган фуқароларнинг субсидия бўйича кўп қаватли уй, имтиёзли кредит олиш, кўп қаватли яшаш турар жойларини таъмирлаш учун кредит олиш борасидаги мурожаатлари тегишли мутасаддилар иштирокида жойида ўрганилган.
Фото: Наманган шаҳар ҳокимлиги матбуот хизмати
Шу ўринда, эркаклар кўйлаги, пастель тўпламларини тикиш учун оилавий цех очиш ҳаракатида бўлиб, 2 ойдан бери кредит олишда қийинчиликка учраган фуқаро масаласи банк масъуллари томонидан ҳал этиладиган бўлди.
Фото: Наманган шаҳар ҳокимлиги матбуот хизмати
Маҳалла фуқаролари учрашувда икки асосий катта кўчалар қисмларини асфальтлашни сўраб қилган мурожаатларига шаҳар ҳокими Олим Исаев имкониятдан келиб чиқиб бу муаммога ҳам амалий ечим қилишни таъкидлади.
Фото: Наманган шаҳар ҳокимлиги матбуот хизмати
Аввалроқ Ғиждувонда ўтказилган 1-сектор сайёр қабулида 6 та мурожаат ҳал қилингани, Олтинкўл ҳокими эҳтиёжманд оилаларнинг яшаш шароити билан танишгани ҳақида хабар берилган эди.
