Қўштепада 15 нафар фуқаро «Меҳр-саховат» кўкрак нишони билан мукофотланди
Фарғона вилояти Қўштепа туманида 15 нафар фуқаро «Меҳр-саховат» кўкрак нишони билан мукофотланди. Бу ҳақда туман ҳокимлиги ахборот хизмати «Tez News»га хабар қилди.
Фото: Қўштепа тумани ҳокимлиги aхборот хизмати
Хабарга кўра, Шавкат Мирзиёевнинг «‘Меҳр-саховат’ кўкрак нишони билан мукофотлаш тўғрисида»ги фармони ижросини таъминлаш мақсадида Вазирлар Маҳкамаси махсус қарор қилиб қилиб, унда «Меҳр-саховат» кўкрак нишони билан тақдирланадиган соғлиқни сақлаш соҳаси вакиллари, саховатли тадбиркорлар, давлат ташкилотлари ва жамоат бирлашмаларининг фидойи ходимлари ҳамда бошқа ташаббускор ва фаол фуқаролар рўйхати тасдиқланган.
Фото: Қўштепа тумани ҳокимлиги aхборот хизмати
Қўштепа туманида «Меҳр-саховат» кўкрак нишонининг соҳиб ва соҳибаларини тақдирлаш тадбири бўлиб ўтди.
Фото: Қўштепа тумани ҳокимлиги Aхборот хизмати
Таъкидланишича, тадбирда қўштепалик 15 нафар фуқаро кўкрак нишонлари топширилган. Шунингдек, кўкрак нишонларини туман ҳокими Илёсбек Новиков эгаларига топширган.
Фото: Қўштепа тумани ҳокимлиги aхборот хизмати
Аввалроқ Самарқандда Ўқитувчи ва мураббийлар куни муносабати билан 53 нафар педагог тақдирлангани ва Наманган вилояти халқ таълими бўлими бошлиғи ва унинг ўринбосари кўкрак нишони билан мукофотлангани ҳақида хабар берилган эди. Кейинчалик Қоровулбозорда 37 нафар устоз ва мураббий рағбатлантирилгани ҳамда Наманган шаҳрида 8 нафар ўқитувчига «Халқ таълими аълочиси» кўкрак нишони топширилгани маълум қилинди.
