Тошкентда аҳоли учун иссиқлик таъминоти хизматларининг нархи оширилмайди
Тошкент шаҳар ҳокимлиги Veolia Energy Tashkent МЧЖ ХК томонидан кўрсатиладиган иссиқлик таъминоти хизматлари учун тартибга солинадиган нархларни тасдиқлади.
Унга кўра, мазкур МЧЖ томонидан кўрсатиладиган иссиқлик таъминоти хизматлари учун тартибга солинадиган нархлар (базавий тариф) 397 минг 212 сўм/Гкал микдорида белгиланган.
Қарорга мувофиқ, иссиқлик таъминоти хизматлари учун чакана тарифлар куйидагилар учун аввалги нархларда қолади:
- аҳоли учун — 91 минг 960 сўм/Гкал (2019 йил 15 августдан амалда);
- кичик, ўрта ва йирик бизнес учун — 141 минг 737 сўм/Гкал (2019 йил 15 августдан амалда);
- бюджет ташкилотлари учун эса чакана тариф — 502 067 сўм/Гкални ташкил қилади.
Нархлар эълон қилинган кундан бошлаб 15 кун ўтиб, яъни 2022 йил 21 октябрда кучга киради.
Базавий ва чакана тарифлар ўртасидаги фарқ Тошкент шаҳрининг маҳаллий бюджети ҳисобидан субсидияланади.
