Жиззахдаги манзил-колониядан қочиб кетган 2 нафар маҳкум ушланди

4 январь куни Жиззахдаги манзил-колониядан 2 нафар маҳкум қочиб кетгани ҳақида хабар берилган эди. ИИВ Жазони ижро этиш департаменти матбуот хизматининг маълум қилишича, мазкур шахслар қўлга олинган.

Қайд этилишича, 5 январдан 6 январга ўтар кечаси икки маҳкум Андижон вилоятининг чегара ҳудудларидан бирида жамоатчилик ёрдамида қўлга олиниб, вақтинча сақлаш ҳибсхонасига жойлаштирилган.

ИИВ Жазони ижро этиш департаментининг хабарига кўра, ҳолат юзасидан текширув тайинланган бўлиб, жазони ижро этиш муассасасини рухсатсиз тарк этган маҳкумларнинг ҳаракатларига ҳуқуқий баҳо берилиши таъминланади.

«Белгиланган тартибни бузган маҳкумлар қатъий назорат остига, яъни илгари жазо муддатини ўтаган умумий, қаттиқ ёки махсус тартибли колонияларга қайтарилади», — дейилади хабарда.