Сурияда зилзила қурбонлари сони 427 нафарга етди
Бугун, 6 февраль куни Сурияда 7,4 магнитудали зилзила содир бўлиши оқибатида камида 427 киши вафот этиб, юзлаб одамлар яраланди.
Қайд этилишича, Суриянинг Идлиб, Ҳалаб, Ҳама, Латакия, Тартус, Раққа вилоятлари зилзиладан катта талафот кўрган ҳудудлар сирасига киради.
Камида 190 нафар тинч аҳоли Сурия шимолидаги турли жойларда ҳалок бўлган, юзлаб тинч аҳоли яраланган. Идлибда 100 нафар киши, Ҳалаб ва Африн қишлоғида 70 киши яраланиб, камида 20 нафар тинч аҳоли ҳаётдан кўз юмган.
Мутахассисларга кўра, зилзила эпицентри Туркияда бўлсада, Сурияда қурбонларнинг сони кўплиги сифатсиз қурилишлар билан боғлиқ.
