Тошкентда расмларини тарқатиш билан қизга таҳдид қилган йигит ушланди
Тошкент шаҳрида 23 ёшли йигит таниши бўлган 19 ёшли қизнинг шахсий фотосуратларини тарқатиш билан таҳдид қилиб, эвазига пул ундираётган вақтда қўлга олинди.
Аниқланишича, чинозлик 23 ёшли йигит таниши 19 ёшли қизни шахсий фотосуратларини тарқатиш билан қўрқитиб, ундан 1000 АҚШ доллари талаб қилган. Ҳолат юзасидан ИИБ бўлими ходимлари томонидан ўтказилган тезкор тадбирда, йигит қиздан талаб қилган пулнинг 1 миллион сўмини олаётган вақтда далилий ашё билан ушланган.
«Ҳозирда қўлга олинган шахсга нисбатан Жиноят кодексининг 165-моддаси 1-қисми билан жиноят иши қўзғатилиб тергов ҳаракатлари олиб борилмоқда», дейилади хабарда.
