Россиялик спорт шарҳловчиси «Спартак»даги ўзбек футболчисининг ўйин услубини танқид қилди (видео)
Россиялик спорт шархловчиси Василий Уткин «Зенит»га қарши ўйинда «Спартак» жамоасининг ярим ҳимоячиси Остон Уруновнинг ўйинига баҳо берди. Бу ҳақда у ўзининг YouTube’даги каналида сўзлаган.
Кадр: YouTube
Журналист бир қанча экспертлар каби ўзбек ярим ҳимоячисини ўйинни ўзини тутиб олган ҳолда ўтказди, деб ҳисоблаган. Шу билан бирга, Уткин футболчининг бундай диққати билан одатда енотлар қандайдир ақлга сиғмайдиган ва фойдасиз иш қилади, деб қўшиб қўйган.
«Бу ўхшатишим кимнидир хафа қилишини истамайман, ахир исталган инсонни ҳайвон билан солиштирса бўлади-ку», — қўшиб қўяди шарҳловчи.
Россия премьер-лигасининг «Спартак» ва «Зенит» ўртасидаги 10-тур учрашуви 3 октябрь, шанба куни бўлиб ўтди ва 1:1 ҳисоб билан якунланди. Урунов майдонда 85 дақиқа ҳаракатланган, аммо бирорта натижа кўрсатмаган. Ўзбекистон терма жамоасининг 19 ёшли ярим ҳимоячиси қизил-оқлар билан 5 август куни шартнома тузган.
Аввалроқ Таиландда ўзбек футболчиси коронавирусга чалингани хабар қилинганди.
