O‘zbekiston oliygohlariga hujjat topshirgan abituriyentlar soni 500 mingdan oshdi

Davlat test markazi 2020/2021-o‘quv yili uchun ro‘yxatdan o‘tgan abituriyentlar soni haqida ma’lumot berdi.

Foto: O’zA

Unga ko‘ra, 2020-yil 7-iyul 18:00 holati bo‘yicha jami ro‘yxatdan o‘tgan abituriyentlar soni 517 409 nafarni tashkil etdi. Shundan 272 586 nafari (52,68 foizi) 2020-yil bitiruvchilaridir.

Ta’lim shakli bo‘yicha:

  • Kunduzgi ta’lim shakli – 326 536 nafar;
  • Sirtqi ta’lim shakli – 182 591 nafar;
  • Kechki ta’lim shakli – 8 282 nafar.

Tillar kesimida:

  • O‘zbek tili – 453 595 nafar;
  • Rus tili – 50 189 nafar;
  • Qoraqalpoq tili – 12 174  nafar;
  • Boshqa tillar – 1 451 nafar.

Abituriyentlar tomonidan eng ko‘p tanlanayotgan OTMlar:

  • Samarqand davlat universiteti – 30 580 nafar;
  • Andijon davlat universiteti – 25 895 nafar;
  • Namangan davlat universiteti – 20 380 nafar;
  • Toshkent davlat pedagogika universiteti —  20 107 nafar;
  • Qarshi davlat universiteti – 19 706  nafar.

Avvalroq DTM chet tilidan sertifikati bor abituriyentlarning ro‘yxatdan o‘tishdagi xatoliklari haqida ma’lumot bergandi.