Қўқонда 22 кишига «Меҳр-саховат» кўкрак нишони топширилди (фото)
Фарғона вилояти Қўқон шаҳрида 22 кишига «Меҳр-саховат» кўкрак нишони топширилди. Бу ҳақда шаҳар ҳокимлиги матбуот хизмати хабар берди.
Маълум қилинишича, 7 октябрь, чоршанба куни шаҳар ҳокими иштирокида мазкур фуқароларга кўкрак нишонлари топширилган.
Қайд этилишича, тадбирда 18 нафар тақдирланганлар иштирок этган.
Таъкидланишича, тадбирда сўзга чиққан шаҳар ҳокими Маруф Усмонов пандемия даврида шаҳарда амалга оширилган ишларда фаол бўлган тадбиркорлар, шифокорлар, хизмат қилган санитария эпидемиология, бошқа қатор соҳа ходимларига ҳукумат ва шаҳар ахолиси номидан миннатдорчилик изҳор этган.
Бундан аввал Булоқбошида 9 киши ва Данғарада 13 киши «Меҳр-саховат» кўкрак нишони билан мукофотлангани ҳақида хабар қилинган эди. Шунингдек, Учкўприкда 19 нафар фуқаро ҳамда Қоракўлда 34 киши «Меҳр-саховат» кўкрак нишони билан тақдирлангани маълум қилинди.