Ўзбекистонлик эркак Петербургдаги кафе ёнида бошидан отиб кетилди

Санкт-Петербургнинг Невский туманида Красних-Зор бульваридаги кафе ёнида хавфсизлик хизмати ходимлари Ўзбекистон фуқаросининг бошига ўқ узди. Бу ҳақда «Fontanka.ru» хабар берди.

Маълум қилинишича, воқеа 8 август куни соат 04:40 да «Doppi» ўзбек ошхонаси яқинида юз берган. Дўкон кассирининг сўзларига кўра, кафеда қўриқчи бўлиб ишлаётган доғистонлик ва кафега ташриф буюрган эркак ўртасида жанжал келиб чиққан.

Қўриқчи Aслан 30 ёшли Ўзбекистон фуқаросининг бошига ўқ узган ва таксида қочиб кетган.

Жабрланувчи шошилинч илмий текшириш институтига ётқизилган.

Бемор жанжал пайти маст бўлганлиги маълум қилинди. Вилоят ички ишлар бош бошқармасидан маълум қилишларича, жиноятчига нисбатан қотилликка уриниш моддаси бўйича жиноят иши қўзғатилган. Ҳозирда айбдор қидирилмоқда.

Эслатиб ўтамиз, аввалроқ Петербургда мактаб ўқувчиси ўзбекистонлик ўгай отасини ўлдиргани учун 3 йилга қамалган эди.