Наманганда пахта терими қачон бошланиши эълон қилинди
Наманган вилоятида пахта терими қачон бошланиши 10 сентябрь, пайшанба куни AОКA ҳузуридаги штабда 2020 йил пахта ҳосилини йиғиб-териб олишга бағишланган матбуот анжуманида эълон қилинди.
Кадр: YouTube
Маълум қилинишича, Наманган вилоятида 2020 йилги пахта йиғим-терим мавсуми 15 сентябрдан бошланиш графиги ишлаб чиқилган ва тасдиқланган.
Қайд этилишича, 2020 йилги пахта ҳосилини йиғиб-териб олиш:
- Фарғона вилоятида 10 сентябрдан;
- Қорақалпоғистон Республикаси ҳамда Aндижон, Бухоро, Қашқадарё, Сурхондарё ва Сирдарё вилоятларида 15 сентябрдан;
- Жиззах, Навоий, Тошкент ва Хоразм вилоятларида 20 сентябрдан;
- Самарқанд вилоятида 25 сентябрдан бошланиши белгиланган.
Маълумот учун, Ўзбекистонда 2020 йилда етиштирилган пахта хом ашёси йиғим-теримини ташкил этишда қўлда терилган 1 килограмм пахта учун биринчи теримда 1000 сўмдан, иккинчи теримда 1400 сўмдан кам бўлмаган меҳнат ҳақи тўлаш тавсия этилган.
Мавзуга доир:
Эслатиб ўтамиз, аввалроқ Қоровулбозорда 10 сентябрдан пахта терими бошлангани маълум қилинган эди. Шунингдек, Наманган вилоятида қўлда терилган пахта учун устама ҳақ берилмаслиги ҳақида хабар берилганди.
