Бирлашган Араб Амирликлари спиртли ичимликлар ичиш ва никоҳсиз жуфтликларнинг бирга яшашига қаратилган жазоларни бекор қилди
Бирлашган Араб Амирликлари 7 ноябрь, шанба куни мамлакатдаги исломий қонунлар тубдан қайта кўриб чиқилганини эълон қилди. Бу ҳақда «Aljazeera» хабар берди.
Фото: Google Images
Хабарда маълум қилинишича, юмшатиладиган шахсий эркинликлар турмуш қурмаган жуфтликларга биргаликда яшаш имконини беради ва спиртли ичимликларга бўлган чекловларни енгиллаштиради. Форс кўрфази мамлакати аёлнинг номусига теккани учун эркакни жавобгарликка тортишга интилган, бу кўплаб танқидларга сабаб бўлган ор-номус қотиллиги деб номланган жиноят. Аммо ушбу жавобгарлик ҳам йўқ бўлиши мумкин. Ҳукуматнинг таъкидлашича, ҳуқуқий ислоҳотлар мамлакатдаги қонунчиликни ва инвестиция муҳитини такомиллаштириш, шунингдек, «бағрикенглик тамойиллари»ни мустаҳкамлашга қаратилган саъй-ҳаракатларнинг бир қисмидир.
«Мен илғор ва ташаббускор бўлган ушбу янги қонунлар учун хурсанд бўла олмайман. 2020 йил Бирлашган Араб Амирликлари учун қийин ва ўзгарувчан йил бўлди», — деди Амирлик кинорежиссёри Абдуллоҳ ал-Кааби.
Шахсий эркинликларнинг кенгайиши исломий қонунларнинг қатъий тизимга қарамай, Ғарбдаги сайёҳлар, бойлик изловчилар ва тадбиркорлар учун ўзини осмонўпар бинолар билан безатилган манзил сифатида кўрсатишга интилган мамлакатнинг ўзгараётганини англатади. Шунингдек, БАА ва Исроил ўртасидаги муносабатларни нормаллаштириш бўйича АҚШ воситачилигида имзоланадиган тарихий битимдан сўнг сайёҳлар ва сармоялар оқимининг келиши кутилмоқда.
Сўнгги икки ой ичида АҚШ воситачилигида тузилган келишувларда Баҳрайн ва Судан ҳам Исроил билан расмий равишда дипломатик алоқаларни ўрнатган.
Фаластинликлар бу битимларни араб давлатлари томонидан қилинган катта хиёнат деб танқид қилган. Бу эса ўз тақдирини белгилашга эришиш учун уларнинг саъй-ҳаракатларини сусайтиради. Таъкидланишича, бир неча Фаластин гуруҳлари расмий равишда бу келишувларни қоралаган.
Ғарбий Соҳилнинг Рамалла шаҳрида жойлашган Фаластинни озод қилиш ташкилоти бу ҳолатни «Фаластин ишига қилинган яна бир хоин пичоқ» деб атади. Ғазода Хамас вакили Ҳазем Қоссимнинг айтишича, Исроил билан муносабатларни нормаллаштириш қарори «Фаластин ишига катта зарар келтиради ва у ишғолни қўллаб-қувватлайди».
