Ўзбекистон бўйлаб ичимлик суви ва оқова сув хизматларининг янги нархлари белгиланди — рўйхат
Ўзбекистон бўйлаб халқ депутатлари ҳудудий кенгашлари ва Қорақалпоғистон Республикаси Жўқорғи Кенгеси томонидан ҳудудларда ичимлик ва оқова сув хизматлари бўйича янги тарифлар (сув ҳисоблагичи борлар учун) тасдиқланди.
Янги тарифларга кўра, Ўзбекистонда ичимлик суви ва оқова сув хизматларининг янги нархлари 1,5-3 бараваргача оширилган. Сув ҳисоблагичлар билан таъминланмаган истеъмолчиларга ҳисоб-китоблар сув истеъмоли меъёрларидан келиб чиқиб ҳисобланади.
Тарифлар қуйидагича ҳисобланади (Тошкент шаҳар мисолида):
400 (ичимлик суви) + 100 (устама) + 350 (канализация) + 100 (устама) + 350 (иссиқ сув учун канализация) + 100 (устама) = жами 1400 сўм.
Маълумот ўрнида, ушбу нарх фақат марказлашган иситиш тизимига уланган абонентлар учун қўлланилади.
Бошқа ҳудудларда ҳам ҳисоб-китоб худди шундай амалга оширилади, фақат устама ҳақи вилоятларда ҳар бир метр куб ичимлик сувига 50 сўм ва оқова сувга 50 сўм/метр³ қилиб белгиланган.
Аввалроқ Навоийда 2021 йилдан ичимлик суви нархи уч баравар қимматлашиши ҳақида хабар берилганди. Шунингдек, Наманган ҳамда Тошкентда 24 январдан ичимлик суви нархи ошиши хабар қилинган.